Dangge Ruedi

An dr disjoorige Generalversammlig han ich derfe s’Amt als Obfrau vom Ruedi Kurt yyber-ne.
Nach lange Joore im Vorstand als Obmaa het dr Ruedi jo uf das Joor uffgheert.

Ych frai mi uff die Herussforderig und Zämmearbet mit em Vorstand.
E ganz grosses und härzliggs Dannggerscheen an Ruedi – fir sini langjährigi
Unterstyytzig, Treui, Zueverlässigkeit, Geduld, Vertraue, Verständnis – es gäb wohl no vyyl,
wo me do kennt uffzelle …. Dangge fir dy unermiedlige Yysatz, dy Engagement, du bisch
immer fir Alli und alles do gsi, immer fir Alli en offes Ohr kaa und nyt isch dir z’vyyl gsi.
Ebbe mit Härz und Seel e Wiehlmuus.

Wäge dr aggtuelle Corona Situation hän mir jo am 14. Juli 2020 d’Generalversammlig
ussnamswys ohni unseri Passivmitglieder abghalte. Natyrlig hän mir Eych vorhär und denn
nach dr GV yber die wichtigste Änderige und Neyigkeite informiert.

An dere Stell au e ganz härzliggs Dangge an unseri treue Passivmitglieder.
Ich frai mi uff vyyli scheeni, tolli und gselligi Stunde.

Hebed Eych Sorg und blyybed gsund.

Lisa