Summer Bummel 2020 |
e Summer Bummel unter Corona |
| Am Samschtig 15 Augschte hän sich e dail vo dr WAG am halber vieri uf dr Pfalz droffe. S OK hed deerte scho e Apero baraat kaa. Fyyni Schungge Gipfeli, glaini Frikatelle,etc. Au e Wettbewärb isch zwääggmacht worde. Dr no isch me durch dr Gryzgangg ums Minschter an Ryy aabe zer Fääri. Uf dr Glaibasler Syte sin mr richtig Tinguely Museum spaziert. Es hed e huffe Lyt kaa, ganz bsunders im Ryy. Mit dr Dalbefääri isch me wider zrugg ins gross Basel, also in d’Dalbe. Vor em Papier Museum isch me den zämme in d Gartebaiz. Do hed me dernoo brobiert d Wettbewärb frooge z leese. ( dangg Google sehr guet.) Die ohni Händi, gids au, hän halt in Moon d resp. in d Sunne Googled. E rundi durchs Dalbetaal an d Stadtmuure und mit dr Fääri wieder yber dr Bach. Dr noo Richtig Schwarzwaldbrugg, durch dr Roche Park ins Rest. Ziegelhof. Do hed me by guetem Ässe dä scheen und gmietlig Bummel mit Lache, dr Wettbewärb uff leesig und Plaudere lo uss glingge.E ganz e Härzliggs Danggerscheen an OK Au an die wo drby gsi sin Gangge, es isch aifach scheen gsy. Dr Glaibasler |
