Grill von dr Sonja 2019

 Garteplausch by dr Sonja

Guet, geen mr ´s emolle fo Aafang a dure.

Am Samschtig 22.6.2019 hed me sich ab de Vieri bi dr Sonja im Garde droffe.
S Wätter hed au halbwägs mitgmacht.
Wo ych koo bi, sin scho ainigi im Garde gsässe, oder hän Ihri »Grillsache« im Yyskaschte versorgt. Gfraid hed my as dr Roger Magne und dr Kari au dr Wääg gfunde hän.

So sin den dr räscht Mys no dis no y droffe.
Au d Faaneträgere isch zu Zyt vo Aarau zrugg koo.

Was me grad gsee hed, isch das tolli »Buffet« wo d Sonja scho Vorbereidet het,
do isch klaar , es wird wider e scheene, gmietlige Aalass.
D’Sonja hed den dr Grill emolle «Vorghaizt»

Me isch gmietlig am Tisch gsässe und s isch langsam losagange .Es sin »Storis« und »Anekdoode« verzellt und dr »Waisch no« efäggt isch immer wider dure koo.

As do s Lache und s witzle nid z kurz koo isch mues me nid äxtra erwähne.

Bald  sin au d Grill-Sache sowyt gsi und me hed gmergt,
as me s Mul au no fir andrs ka bruche as numme zem »Lavere«.

E so isch aimol mee e Gmietlige Aaloos fo de »Wiehlmys-Alti-Garde« z änd gange.
Mit dr Vorfraid uf s nägschdi zämme sy und dr Grillplausch 2020 hed me sich uf
e Haimwääg gmacht.

E grosse Dangg an d Sonja mues do aifach sy Platz ha.Mecie

Dr Glaibasler