Marschyebig
Am Samschtig 16.2.2019 am nomidaag hed me sich um Vieri bim Eglisee zer Marsyebig droffe.
Bi scho fascht « Summerliche« Temperature sin mr denn in d Lange gstartet.
Do unsere Major und Obmaa nid so gärn iber ebeni Strosse lauft, sin mr de Waldwääg noo.
-Well d Schliessi glunge duet schliesse, hed me
d Pause bi dr Sonja im Garde kenne Gniesse.-
Uf de Tisch isch scho allerhand »Gluschtigs« fir uns baraad gsi.
Au e fraid hän alli kaa wo dr Obmaa gsaid het,
as me e Pfiffere mee isch an dr Fasnacht.
Aber scho glyy hän mr wider miese Yystoo.
Zrugg richtig Eglisee und em Almänthuus.
Deert hed uns dr Wirt, dr Hampe, erwardet mit
e me gute Nachtässe.
Do isch den au no d Möne zem Ässe drzu koo.
- Vermuetlich hed sy am Nomidaag, s Piccolo
und d Wanderschue gsucht.-
Aimol ganz andersch, *Hörnli und Ghackts* in Fondue Caquelon uf de Rechaud warm bhalte.
Me isch den no länger in deere gmietlige runde zämme g Hoggt.
( dr Major hät so gärn nonemolle dr Dudelsagg gheert )
Uff em Haimwääg hesch gspiert, s Fasnächtelet und de hesch wider aimol mee, e scheene,gmietlige Nommodaag und Oobe im grais vo de Alte-Wyehlmys gha..
Dangg dr Sonja und Ihre Hälfer.
